كل تجمع وأنتوا بخير

اولا وقبل اي حاجه انا عارفه اني مقصره في حق المدونه بتاعي الغلبانه دي بس اهي ظروف وايام وتعدي بأذن الله
ثانيا انا مبســـــــــوطه جدا بلقاء المدونين النهاره
ومبسوطه اني شوفت ناس كتير كنت اعرف مدونتها وناس اكتر ماكنتش اعرفها بس هابدأ اتابع بأذن الله لو لسه فيا شويه صحه بعد ماخدوا دمي وادوني شويه لبن

اليوم كله حكت عنه بالتفصيل صبرني يارب عندها
بس للاسف ولظروفي الملخبطه انا مالحقتش اركب معاهم مركب مع اني كان نفسي اوي اوي
انا راجعه بيتنا متأخر والله ومش شايفه قدامي سبر واحد من التعب واكتشفت بعد ما ارتحت شويه ان حرارتي مرتفعه وصوتي مش بيطلع وعندي التهاب في زوري وابتديت مضاد حيوي

وعايزه اقولكوا ان ايدي والحمد لله بدأت تفاعلها الطبيعي مع الابر والسرنجات

بس لسه مصممه اكتب البوست واقرا اللي هايتكتب عن اللقاء
في مواقف كتير علقت معايا النهارده اهمها كان اتصال شمس النهار انا مبسووووطه بيه جدا فوق ماتتخيل

و في بنك الدم مش عارفه اذا كان ده دكتور ولا فني تحاليل بس اهو ضحكني شويه

وساندوتش الشنغهاي مع صاصا وساسو ومحمد

وشيما .. الشعب ... لما قالتلي اني مش زي مانا في المدونه علشان كنت بضحك ومش زعلانه

مع ان ده الطبيعي بتاعي ياشيما والله

المشكله اني غالبا بكتب لما بكون زعلانه ومش لاقيه حاجه اطق فيها غير البلوج

وانا من النوع مزاجي بيتغير بسرعه ومش بستمر لا في فرح ولا في حزن وان كان الحزن اطول عندي
اللي شكلهم ثبت في دماغي الحمد لله كتير منهم علي سبيل المثال لا الحصر
صبرني يارب
خيخه
فاتيما
رحيل

سوووول

ليدي اللي مش عايزه تكبر

.. صلاح العميري مسدس صغير
mourninig loveساسو ..
ومحمد الغرباوي .. وحاولات بحث ...

اللي كتر خيره خرج ركبني تاكسي لما كنت مروحه
وعايزه اقولك يامحمد اني علي ماوصلت الموقف كنت اتشاهدت وقلبي وقف بتاع 100 مره
البنت اللي كانت راكبه معايا التاكسي نزلت بعد شويه وفضلت انا لوحدي
والسواق رغاي موووووووووووووت
وانا اساسا مرهقه
وهو متطفل فوق العادي
والطريق طووووووووووووووويل
مش بس ربع ساعه يمكن اكتر بكتير
والموقف محدوف بره المنصوره
وانا اساسا علاقتي بالمنصوره زي علاقتي كده باليابان
المهم طول ماحنا جوه شوارع المنصوره مافيش مشكله حاسه بشويه امان لان في ناس حوالينا
المصيبه بقي لما خرجنا علي طريق زراعي
مع كل مطب بيهديله واحس ان التاكسي هايقف كان قلبي انا اللي بيقف
من الاخر انا ماكنتش مطمنه للسواق
والمصيبه اني روحت ركبت ميكروباص كله رجاااااااااااااااااله
والطريق برضو زراعي
انا لما دخلت المحله حسيت ان روحي رجعتلي

الغربه وحشه برضو يارجاله

المهم انا رجعت البيت ونمت وصحيت اكتب البوست ده وهارجع انام تااني
علي فكره انا طلعت في الصوره اللي عند صبرني بس طبعا مش ظاهر مني حاجه
هههههههههههههههههه


تصبحوا علي خير

دوبنا م الصبر حبــــــــــــــال

Music Playlist at MixPod.com

البحث عن الحرام

مقال ممتع ياريت تقروه ونتناقش فيه

اللينك

الفنـــكــــوش

كلنا النهارده مخترعين
اي والله العظيم
واناالنهارده هادي كل واحد فيكوا فرصه عمره
كل واحد منكوا هايقعد كده مع روحه ويخترع اختراع نفسه يكون موجود
وطبعا مش هاينسي يقولنا سبب الاختراع الفنكوشي العبقري ده
وانا هابتدي
وهاقلكوا علي الفنكوش بتاعي
فكرته ضربت في دماغي النهارده الصبح
ناويه والنيه لله اخترعلكوا جهاز يخلي ايامنا ولا برنامج الريل بلاير في زمانه
وايامنا بقي هانعملها
stop
replay
pause
autoplay
saveاللي عايز بقي يحمل البرنامج ده هايعمله
وبعدين يبدأ يسطبه
next
next
next
finish
وعيشوا حياتكوا بقي بالشكل اللي يعجبكوا
تصوروا بقي لو في ايام عجبانا وعايزين نكررها
ولا نبطئ اوقات جميله ومش عايزنها تعدي
ولا ايام سوده وعايزين نخلص منها ونعديها بسرعه

كل واحد بقي يفنكش براحته انا ديموقراطيه وبحب الاختراعات وهاصرف عليها ماتقلقوش انا برعي المواهب

وياريت ماتنسوش تقولوا رايكوا في الفنكوش بتاعي

عندما يبدع جاهين وتغني السندريلا

Music Playlist at MixPod.com

اصعب احساس

البوست المره دي عباره عن سؤال
تفتكروا هو ايه اصعب احساس ممكن يتوجد جوانا
انا فكرت كتير وقولت او وقت الاحساس ده بيكون هو فعلا اصعب احساس ومش بنفكر في غيره
لاقيت ان وقت الندم بيكون هو اصعب احساس
ووقت الاهانه برضو اصعب احساس
ووقت اصعب حب بيكون برضو كده

ولحظه الفراق برضو صعبه
كل واحد مننا بيمر باحساس من دول
عايزه اعرف بقي كل واحد مننا ايه اصعب احساس مر بيه..؟؟؟؟

خليتني اخاف

Music Playlist at MixPod.com

"انها حقا زياره تاريخه"

الراجل الكبير لما فكر في شعبه وحب يطمن عليهم (( كتر خيره والنبي)) راح يدور علينا في كارفور

الراجل الكبير لما حب يشوف الاسعار ويطمن ع الغلابه راح كارفور

لما حب يشوفنا جعانين ولا شبعانين راح كارفور

تصدقوا عنده حق

ده علي اساس ان الموظف الغلبان ابو 300 جنيه ده بيروح كل اول شهر يشتري مستلزمات بيته من كارفور

ولا علي اساس ان مستوي معيشه الشعب المرتاح (( اللي هو احنا يعني )) بقي ماشاء الله زي الفل وكلنا قايمين نايمين في كارفور

ده انا حتي اول امبارح دخلت الحمام مالقتش صابونه بعت البواب يجيبلي كرتونه من هناك

وعلي راي الست الشحروره (( الله يمسيها بالخير ولا مايمسيهاش مش مشكلتنا)) الراجل ده هايجنني

كارفور ايه ياريس اللي رايح تدور علينا فيه ده

كارفور المعادي اللي ثلث اربع شعبك مايعرفوش اساسا ولا بيدخله رايح تدور علي مستوي معيشتنا فيه

ماهو لازم تلاقيها زي الفل ونو بروبلم

لان المكان ده مش بيدخله غير اللي قادر يشتري منه

مايعرفوش غير طبقه معينه من الشعب

اما الشعب الحقيقي بتاعنا ده تدور عليه في اي دكان بقاله كده علي قده بيشتري ازازه زيت ومش لاقي ثمنها

ده ايه الاخبار اللي تفور الدم دي واحنا داخلين علي عيد

حاسه انه شويه شويه هايسألنا عاملين ايه ياحلوين في تمرن السباحه.. ها ... ماشين كويس

وياتري الكورن فلكس اللي بتفطروا بيه كل يوم الصبح عاجبكوا ولا نستورد غيره

ومن الفقعه اللي فوق دي نفتكر مشهد لعادل امام في فيلم بخيت وعديله

لما بيقولهم مين عايز سجق ومين عايز سوسيس

يرد واحد يقوله انا ماخدتش كاشتب.....!!!

علي فكره ياكبير انا اهلي تعبوا فيا لحد ماوصلت للي انا فيه

وانا وكتير زي

دكاتره وولاد ناس

محترمين وكتاب الله

وشغالين زي .... مش عايزه اقولها قلبي مش مطاوعني

وبنعبر عن فئه المفترض انها لها مكانه محترمه

ماظنش لا انا ولا زمايلي مرتبنا يدخلنا البتاع اللي انت كنت فيه ده

_______________________

___________

_______

___

_

بخصوص موضوع مريم فده لينك فيه اخر الاخبار وطرق جديده للتبرع منها كمان تحويل رصيد اللي كنتوا بتسألوا عليه

مساعده انسانيه في ايام مفترجه + تحديث

سيبكوا من الموضوع اللي فات والصيني واللي مش صيني

في حاجه اهم دلوقتي

في حاله مرضيه لطفله مصريه

اخبار الحاله ومشكلتها كانت اتنشرت في بريد الجمعه في الاهرام

المشكله دلوقتي ان الحاله محتاجه تبرعات

انا مش هاتكلم كتير لاني عرفت عن الحاله في منتدي كوره

عموما ده اللينك

واللي عايز يعرف التفاصيل ده لينك تاني

ياريت كلنا نتبرع

انا عارفه ان في هنا ناس بتعمل خير

ستيته

وخيخه

وصبرني يارب

وحبشتكنات فلسفيه

وشمس النهار

وابي

وناس كتير انا عارفه انهم يقدروا يسعدونا ننشر الخبر

عايزين ننشر الخبر ونلم مبلغ محترم علشان نساعدها

وكل واحد واللي يقدر عليه

وماحدش يستهون باللي هايدفعه

اقروا التفاصيل وانشروا الخبر

وجزانا الله واياكم كل

______________________________

علشان الناس ماتلفش وتوه مننا

طرق التبرع كلاتي لان في حاجات مابقتش تنفع زي تحويل الرصيد اللي انا عن نفسي مافهمش فيها

اللي يفهم فيها ويعرفها يقولنا

الطرق المتاحه للتبرع :

عن طريق حوالة بريدية الى جريدة الاهرام - بريد الجمعة - حالة الطفلة مريم احمد عبد الحكيم*
- التبرع في حساب رقم 284516 باسم احمد عبد الحكيم خليل والد مريم في البنك العربي الافريقي الدولي*
ودي عناوين البنك في مصر

Address :
Four Seasons Hotel Nile Plaza, 1089 Corniche El Nil, Garden City, Cairo
فرع الفور سيزون 1089 كورنيش النيل فندق الفور سيزون جاردن سيتى
Address :
5 Midan Al-Saray Al Koubra Garden City – Cairo
ميدان السرايا الكبرى جاردن سيتى
Address :
8 Ibrahim Naguib St. Garden City
8شارع ابراهيم نجيب جاردن سيتى
24 Cleopatra Street
24 شارع كليوباترا هليوبوليس
Address :
6 Botros Ghaly St
فرع روكسى 6 شارع بطرس غالى
Address :
13 Tag El Din E Sobky St, Off Nozha Street., El Golf
13تقاطع شارع تاج الدين والنزهه . الجولف
Address :
140 El-Merghany st. Heliopolis
140شارع الميرغنى هليوبوليس
Address :
33 Abou Dawoud ElZahery St., off Makram Ebeid St., Nasr City
33 شارع ابو داود الزهيرى وشارع مكرم عبيد تقاطعهم مدينه نصر
Address :
44 Abdel Khalek Tharwat St., Downtown
44 شارع عبد الخالق ثروت وسط البلد
Address : 29 Kasr ElNil St. Down Town
29 شارع قصر النيل وسط البلد
Address : 54 D El Gomhoria St. فرع الالفى :- 54 شارع الجمهوريه
Address : 431 El Horreya Road - Roushdy فرع رشدى :-43 طريق الحريه رشدى
Address : Petroleum Complex Building,Km19, Alex-Cairo Desert Roadمبنى مجمع البترول الكيلو 19 طريق مصر اسكندريه الصحراوى
Address : Banks District - New Borg El-Arab City
مدينه برج العرب الجديده البنوك المحليه
Address : In front of the Logistic Building, door number 54, El Wardian – Alexandria هو فرع الاسكندريه وامام مبنى حاجه باب رقم 54 ياريت حد من اسكندريه يفيدنا
Address : 74 Albert Al Awal Street- Baroun Tower- Semouha Ismail Street Wabour El Miyah – Alexandria – Egypt
74 شارع البرت الاول برج البارون -سموحه شارع الاسماعيليه وابور المياه الاسكندريه El Horreya Road Branch 2 Address : 73 El-Horrya Road ALEXANDRIA
73 طريق الحريه - اسكندريه
Damietta Branch Address : Ras El Bar Road, Corniche El Nil فرع دمياط طريق راس البر كورنيش النيل
Tanta Branch Address : 95 EL GUEISH ST فرع طنطا 95 شارع الجيش
Hurghada Branch Address : El Nasr St. El Dahar Area, Hurghada فرع الغردقه منطقه الضاهر شارع الناصر - الغردقه
Sharm El Sheikh Branch 1 Address : Hyatt Regency Hotel, The Gardens Bay, Sharm El Sheikh شرم الشيخ فندق حياه خليج الحدائق - شرم الشيخ
Sharm El Sheikh Branch 2 Address : Naama Bay
الفرع الثانى بشرم الشيخ خليج نعمه
Al Haram Branch Address : 85 Al Haram St. Giza فرع الهرم 85 شارع الهرم الجيزه
4th Industrial Zone – 2/3 Bank Area
فرع 6 اكتوبر
4المنطقه الصناعه 2/3 منطقه البنك
Mokattam Branch
:
No. 354 - "D" Area, Nafoora Square, Mokattam
فرع المقطم
المنطقه dميدان النافوره رقم 354
Maadi Branch
Address :
Road No. 9 Maadi Palace Building, Station Sq.
فرع المعادى
طريق رقم 9 مبنى قصر المعادى المنطقه sq
10th of Ramadan Branch
Address :
3rd Industrial Zone – Area MC3
العاشر من رمضان المنطقه الصناعيه 3
El Rehab City Branch
Address :
Banks District, Building No. (4), El Rehab City
مدينه الرحاب مبنى 4 حى البنوك
El Shrouk Branch (BUE)
Address :
El Shourouk City
مدينه الشروق
Luxor Branch
Address :
End of Khaled Ibn El Walid St.
فرع الاقصر
نهايه شارع خالد بن الوليد
Aswan Branch
Address :
1 Abtaal Al Tahrir St.
فرع اسوان
1 شارع ابطال التحرير
Kattameya Branch
Address :
Shooting Club - Kattameya- Ring Road
فرع القطاميه
Porto Al Sokhna Branch
Address :
Shop No. 18 Porto Al Sokhna Mall
فرع بورتو السخنه
مول بورتو سخنه
فرع دبى الامارت
Address :
Art Tower, Opposite Dubai Customs Al Mina Road Bur Dubai, U.A.E.
برج الفن مقابل جمارك دبى
ابو ظبى
Abu Dhabi Branch
Arab Monetary Fund Bldg El Corniche Street
مبنى صندوق النقد العربى شارع الكورنيش
بيروت
Riad El Solh StreetArab African International Bank Bldg
شارع رياض الصالح مبنى البنك العربى الافريقى

يبقي احنا هانعمل ايه دلوقتي

ياهنحط رصيد علي حساب والد مريم في بنك العربي الافريقي

يا هانبعت حواله علي جريده الاهرام

انا بقي بقترح حد مننا يكون قاهري ممكن نبعت ليه حولات بريديه وهو يجمع مبلغ ويحطه مره واحده في الحساب

لان ممن ناس من الاقاليم ماعندهمش فرع للبنك ده وانا اولهم

احلي من الشرف مافيش

يمكن انا من قبل الخبر وانا نفسيا مش مبسوطه

يمكن انا اللي كده كده مخنوقه من حاجات غلط كتير انا وغيري بنعملها ولا ابرئ نفسي علي الاطلاق من حاله الفوضي واللاوعي اللي احنا عايشين فيها دي

بس كل اللي انا متأكده منه اني حاسه اني عايزه اعيط

احساس باننا ماشيين في اتجاه غلط

مخالفين يعني والمفروض الردار يعمل اي حاجه او علي الاقل ياخدنا مخالفه وغرامه اوي اي قلم علي وشنا يفوقنا

جه الخبر اللي مزل علي دماغ اغلبنا كالصاعقه

اه والله

انا مش هاقول اكتر من اللي قالته ستيته في البوست ده

بس كل اللي هاقوله ان

الشرف يعني بنت وولد

مش بنت لوحدها

الشرف يعني نظره عين حلال

لمسه ايد حلال

احساس جميل حلال

مشاعر صادقه في الحلال

رايح وجاي في الحلال

كازينو وفسح وخروج في الحلال

سينما والدنيا ضلمه في الحلال

كورنيش وايديك في ايده وايده الثانيه علي ضهرك ورا برضو في الحلال

اعمل ده كله في الحلال وبعدين تعالي فكر وكمل الصوره الحلوه بغشاء بكاره برضو في الحلال

مايكونش الشاب من دول مصاحبله بتاع 10 ولا حتي 20 واحده وفجأه وتنفيذا لرغبه ماما وبابا عايز يكمل نص دينه علشان يجيب عيال يشلوا اسن النبي حارسه يقوم يدور علي بنت ماتكونش عملت ولا حاجه من اللي فوق دي علشان تكون تستاهل شرف انها تشيل اسمه ويكون ده تعطفا وتكرما منه

انا قلبي محروق

مش معني انت تدي لروحك الحق ده وانا لا

انا مش بقول اني عايزه اعمل اي حاجه من دي

لاني ولله الحمد براعي ربنا قبل ماراعي حق راجل المفروض انه شريف وعفيف والمفروض اني بختار اب لاولادي اكون انا اول بخته زي ماهو اول بختي

ولا انا ماليش حق في زوج شريف

ليه اتجوز زاني.....؟؟؟

علي فكره الزنا مش بس اني اتجوز واحد يكون عمله علاقه جنسيه مع اي واحده

الزنا زنا عين وايد ولسان وكل حاجه

حرام عليكوا اتقوا ربنا

حرام يابنات

حرام ياشباب

مش عارفه مودينا لحد فين

انا علي فكره مش ملاك

انا كمان ساعات بعمل حاجات تتحسب عليا غلطات

بس بعاتب روحي وبلومها ومش بصمم علي غلطتي

انا عارفه ان البوست ملخبط بس من حرقه قلبي

كل حاجه بقت تيك اوي حتي غشاء البكاره

عادي

ما الصين بتفكر تجيب القرش منين

مش قاعدين مستنين معونه امريكيه ولا سايبين ولادهم تموتهم البطاله واحساس العجز والقهر

حتي لو كان اللي عملوه شئ مش كويس

بس هم بيشوفوا الجنس البشري محتاج ايه ويصنعوه

محتاج فانوس كويس وبثمن رخيص خد فانوس

محتاج اكل

شرب

لبس

ادوات كهربائيه

محتاج ايه

اؤمر تطاع

محتاج بنت بنوت كل يوم

خد اهي

عادي

ممكن نعملك اللي انت عايزه

لو محتاج لبن العصفور اصبر شويه هانفكر نعملهولك ازاي

او ممكن حد تاني يفكر وينفذ واحنا هانفكر ننفذه بسعر اقل علشان نكسب اكتر

هم بيفكروا واحنا هنا بندور البنت دي بغشاء ولا بنت ستين كلب كانت دايره علي حل شعرها من غير غشاء

لو بغشاء يطلع سبع البرومبه يعمل علينا دكر ويقول ها انا ذا فتحت عكا

ومراتي ست الستات وابصم بالعشره

وهو اساسا حمار وواخد علي قفاه

جاتك القرفراجل مابتفهمش لو البنت عندك وسلوكها وشرفها مجرد غشاء

انا مش بقلل منه ولا من اهميته

بس بحسه كريزه جميله بتتحط علي وش التورته علشان تزوقها وتديها شكل جميل

مش هاتغير طعم التورته

ولا هاتخلي الفسيخ شربات

بس هاتكمل الشكل الخارجي

تبقي اهبل وياخيبه امل امك فيك لو فكرت ان الفسيخ لو حطيت عليه كريزه يبقي تورته

واللهم استرني فوق الارض وتحت الارض ويوم العرض عليك

اللهم استرني واستر بنات المسلمين

امين يارب العالمين