اولا وحشتوني جدا موت اوي خالص
عارفه اني مقصره معاكوا بس ظروفي ملخبطه ومزاجي وحش وماليش نفس اقرأ ولا اكتب
وبعدين ماشاء الله عليكوا ولا واحد ولا واحده سأل عليا
تتحسدوا بجد
هو انا ماليش لازمه للدرجه دي ...؟؟؟
عموما مش موضوعنا
انا جيت اسلم عليكوا وابشركوا ان حكومتنا الموقره قررت تضحي بالام علشان الجنين يعيش
وحطونا في وش المدفع
قال خير اللهم اجعله خير انفلونزا الخنازير دخلت مصر
خبر قديم انا عارفه
ودرجه الطوارئ اترفعت للدرجه السادسه
برضو قديم
اللي مش قديم ان حفاظا علي حياه ا لمواطنين
وسهرا في خدمتهم
وتعبا علشانهم
ومن اجل ال225 اياهم
هانشتغل الجمعه
ومافيش اجازات
لا رسميه
ولا مرضيه
ولا عارضه
ولا اعتيادي
والدكتور اللي يبقي عنده ظروف احسنله يطق يموت ولا انه يفكر يقعد في البيت لحظه
اومال ايه
دي انفلونزا الخنازير والطيور منوره ومشرفه مصر
والدكاتره في وش المدفع
عمــــــــــــــــــار يامصر
علي فكره المزه اللي في الصوره اللي فوق دي طبعا مش انا علشان ماحدش يسرح بخياله
والسلام عليكم ورحمه الله وبركاته
اه صحيح
نسيت اقول
بكره مصر هتلاعب البرازيل
انتظروا فضيحه مدويه
دي السامبا يابا علي حق ربنا مش الدراويش
كركركركركركر
Falling hearts Here
32 comments:
ههههههههههه
والله مفتقدين خفة الدم ديه ياستي
يلا يابختكم هتشتغلوا ليل ونهار ونهار وليل
انا شايف انكم تباتوا هناك احسن
بحس كتير ان الحكومه بتاعتنا بتمشي حسب الموضه
يعني الطيور نسيبها شويه ونمشي ورا الخنازير
ربنا يستر السنه اللي جايه هيبقى انفلونزا الصراصير بأه ولا ايه
جايبلنا صورة من جرايس اناتومي
حيث مستشفى فاضل تحط المرضى على رجل الدكاترة علشان يهشكوهم؟
مش حرام لما تجيبي سيرة مستشفياتنا تحطي صورة جرايس اناتومي؟
انتي معندكيش اخوات صبيان؟
اظن صورة عمدة كفر البلاص الأنسب للبوست
ومعلش يا حبي ربنا يحفظكم ويسترها معانا كلنا
ياترى بعد شهر ها نقول ايه على البلوجات؟
مانتى كنتى ماشية كويس
ايه بقه لزوم التريقه اللى فى الاخر ع الدروايش ددى
لازم التريقه
يعنى
الاسماعيلى فريق محترم
وعموما بتمنى ان مصر تلعب كويس
وبأداء حلو
حتى لو اتنيلنا خسرنا
عاشقة اخيرا ظهرتى
حمد لله على سلامتك
يارب تكونى بخير
هى الحكومة ملقتش غير الحل دا وانتوا هتعملوا اية دلوقتى المرض دخل واللى حصل حصل خلاص ورغم كدا لسة فى 50 حل افضل من انهم يرموا المشكلة عليكم ربنا يعينكم
وبعدين يعنى هى انفلونزا الطيور كانت اتحلت عشان تطلع انفلونزا الخنازير
ربنا يحفظنا منهم هم الاتنين
ومن المنخب والاهلى واللعيبة كلهم دول بقى اللى هيجيبوا لباقى الشعب اللى متصبش بالانفلونزا سكتة قلبية
هاهاهاهاهاهاها
ربنا يوفقك
تقبلى مرورى
السلام عليكم و رحمة الله و بركاته
يا هلا يا دكترة
ربنا يكون فى عونكم يااااااااااارب
بس المفروض تسجدى شكر لله
ايه يا بنتى مش نعمة بردوا بدل اللى نايمين فى بيوتهم
و اللى بينشوا دبان؟؟
يعنى لا كدا عاجب و لا كدا عاجب
:-P
تحياتى يا جميلة
عاشقه وغلبانه والنبى
عاشقه وتعبانه والنبى
ولا اقولك
طب وشغلك
ذنبى انا ايه
ذنبى ان احس
علشانكو اموت انا
عامله ايه يا جميل مين اللى قال بقى اننا مش بنسال
انت اللى مشغول خالص مالص وشكلك هتقفل الارنب الاول قبل ما تعدى السنه دى
عقبالنا يارب
ههههههههههه معلش ربنا معاكم يارب ويعينكم على الشغل اللهم امين
اولا انتى دمك زى العسل زيك
و بجد هاتشتلوا الجمعه
يابخت الرجاله المتجوزه
هاتلاقى حاجه تخرجهم من البيت
لكن المش متجوزين ذنبهم ايه؟
ياستى انفلونزا و تعدى
ربنا يستر
ربنا معاكم
و كمان انتم عايزين يعنى تاخدو225 ببلاش ولا ايه
بطلوا بقى كسل
:P
حمدا لله على السلامة يا قمر
وربنا يكون فى عونكم فعلا
انتوا يا عيني اللي هتنطحنوا فى الأزمة دي
بجد بجد ربنا يصبركم جميعا
" يجب علينا جميعا حكومة وأفراد أن نتكاتف حتى نواجه الوباء آملين أن نتخطى هذه المرحلة بنجاح كما تجاوزنا أزمة الوباء السابق ( أنفلونزا الطيور ) واستطعنا القضاء عليه تماما
والله الموفق
** لا مؤاخذة أصلى كنت متقمس شخصية أحمد نظيف
وإن شاء الله مصر مش حتخسر ....
بأكتر من خمس أجوان
وشكرا ...أرجو قبول مرورى
سمعت الخبر اول امبارح وزغرت
اصل باين المستشفيات كانت بتقفل الجمعه.....ولا باين ان لازم لما حد تجيله الانفلونزا الخنازيركل المستشفى لازم تستقبله
اشرب يا مواطن تمن تفوقك في الثانويه......ما لو كنت محترم ودخلت معهد اللاسيلكي ما كانش ده بقا حالك يا اختشي
ربنا ع الظالم
انتى طبعا عارفة اننا مش ناسينك احنا بس قلنا تاخدى رست شوية تعملى ريستارت وكدا واى خدعة
وبما انكم قررتوا تدخلوا طب يبقى تتحملوا مش عارف انا الناس دى مش كنتوا فى الثانوية مذاكرة وحركات اتحملوا بقى حتى لو كانوا هيجيبوا يوم اضافى على الاسبوع ويبقى 8 ايام
هههههههههههههه
نتكلم بقى بكرا بعد الماتش عشان نشوف الموضوع دا
الف الف مبروووووك
انا بقى مرضى وقاعد فى البيت
مكسور يا ولداة
حد عندة اعتراض؟:))
اخبارك ايه والله ليكى وحشه يا حجه:))
ربنا يعينك ويقويكي
احتسبي تعبك ده عند ربنا و خلى نيتك انه لوجه الله وربنا يتقبل منك.
ربنا يعينك
ويعين الجميع
بجد انا فخوره بيك جدا
تحياتي
أنا و الله كنت غايبة زيى زيك و لسة راجعة...على العموم حمد لله على السلامة و أنتى اكيد يا جميلة ليكى لازمة و مهمة جدا عندنا
بس أنا بجد زعلانة من الحكومة المقصرة دى...كانوا المفروض يلغوا النبطشياط و يخلوا الكل يبات
أخس مكنتش متوقعة كدة
مبروك على الخبر ده
الجمعة كمااان
يا فرحتنا ببلدنا
لاء بحق مبرووك كله ده تحت قايمة الذل في العيشة في بلدنا
زي عندنا في بيطري مادة في اداب وتقاليد مهنة الطب البيطري
لقيت بندين صرااحة هقولهم وعجبي بقى
-المرضى غير مسؤلين عن حالتك المزاجية
-استقبال المرض بابتسامة مرحبة وتوديعهم بنفس الابتسامة
هو ده الي واخدينه منهم اوامر وشغل
ربنا يعينك ان شاء الله
ازيك
ياستي اشتغلي يوم الجمعه بدل ماتقعدي تناكفي في ماما
وبعدين اهو المصريين صمدوا امام البرازيل ازيك بقا
السلام عليكم ورحمة الله وبركاته
ههههههههههههههه كويس انهم هيشغلوكو الجمعه والصبح بس
ربنا يستر وما يقولوش الاقامه الكامله هتبقى في سراير جنب سراير العيانين
هههههههههه
حرام عليكي احنا لسه متخرجناش
وانا في سنه اولي تعبت وروحت لدكتوره في مستشفي اليوم الواحد
وبعدين سالتني انت بتدرس ايه
قولتلها طب
ظ
تمتمت ومصمصت شفايفها وقالتلي بكره تندددددددددددددددددددددم
خخخخخخخخخخخخخخخ
عمري ماهنسي اللي حصل ده؟
اشطه عليكي
وبعدين ربنا خيب ظنك وظني واتغلبنا بالعافيه من الرازيل وكسبنا ايطاليا
وهكسب امريكا النهاده ان شاء الله
اشطه
اسيبك بخير
وحشتينااااااااااااا وربنا
وصورة المزه دي اكيد عارفينها ف جرايز اناتومي :D
ربنا يحميكي ياختي وان شاء الله خير
شوفتي بقى عملنا ايه ف البرازيل
وايطاليا
وجت امريكا شرشحتنا هع هع هع
لا حول ولا قوة الا بالله
معلش ربنا يجعله فى ميزان حسناتكم
ومصر لعبت اهو بس للاسف كانت الفضيحة امام اضعف فريق فى البطولة .. الحمد لله
دمتِ بخير ..
انتي فين يابنتي
ايه الغيبه ديه
بقالك كتير اوي محدش بيشوفك
يارب تكوني بخير واحسن حال
ابقي طمنينا عليكي ياحبيبتي
اه و الله انتوا غلابة
انا ماما كده برضه و لا عارفين نصيف و لا نسافر و لا غيره
معلش برضه انتوا سلاح مصر في وش الاعادي و شوية كلام حمصي كده كتير
بس انا ماما دكتورة رمد
هو ايه علاقة الرمد بالخنازير
نفسي افهم
يلا ما علينا
ربنا معاكو
تقبلي مروري
تحياتي
حد من ال 225 عيي ولا لسه سلام
طمنيني وبشريني ان ال 72 حاله في منهم 50 من دول
ربنا يعينك يارب
ويجعلك سبب في شفاء كل محتاج
تحياتي
و مين قال ان في حد حيفتكر ان المزة اللي في الصورة حضرتك ؟
أولا دي كاثرين هيجل في مسلسل جرايز اناتومي
ثانيا مفيش مزز بتعمل مدونات و دي حقيقة معروفة
:D
انتى مختفية فين يا قمر؟
شكرا بيتك لطيف
دا الشغل واخد حقه والناس تعبانه قوى
فى كل حته مش لايقه علاج
اومال بقى بتعملوا ايه والدنيا ملايانا
يلا بقى الناس تستحمل
علشان الدكتاره يقدروا يحوشوا ويقفلوا الارنب
د
لا دا مش ارنب دى مزرعه ارانب
بقالك شهر بحاله مش بتكتبى حاجه
لو مهنه الطب صعبه قوى كده
يبقى الله يكون فى العون
بس يا ملايكه الرحمه
لازم تاخدوا بالكم من نفسكم شويه مش 50 ساعه شغل فى ايوم
Post a Comment